Azərbaycanda iyunun 15-i Milli Qurtuluş Günü kimi qeyd edilir.

1991-ci ilin oktyabrında Azərbaycan müstəqillik əldə etdi. Ancaq müstəqilliyin ilk illərində ölkədə daxili vəziyyət və hakimiyyət böhranı yarandı. İctimai həyatın bütün sahələrində xaos, hərc-mərclik baş alıb gedirdi. Orduda da vəziyyət ağırlaşır, fərarilik artırdı. Erməni təcavüzü gündən-günə güclənirdi. Azərbaycanda hakimiyyət boşluğu yaranmışdır. Gənc respublikada rəhbərliyə yiyələnmək üçün ayrı-ayrı şəxslər və qruplar arasında mübarizə gedirdi. 1993-cü ilin yayında Azərbaycanda vətəndaş müharibəsi təhlükəsi yarandı. Vətənin belə ağır günündə xalq Naxçıvandan Azərbaycanın görkəmli oğlu Heydər Əliyevi Bakıya dəvət etdi. Heydər Əliyev xalqın və respublikanın hakim dairələrinin təkidli dəvətini qəbul edib, iyunun 9-da Bakıya gəldi.

Heydər Əliyev çox az zamanda Azərbaycanda vətəndaş müharibəsinin qarşısını ala bildi.

1993-cü il iyunun 15-də Heydər Əliyev Azərbaycan Respublikası Ali Sovetinin sədri seçildi. Beləliklə, 15 iyun tariximizə Milli Qurtuluş Günü kimi daxil oldu. Xalqın tələbi ilə Milli Məclis 1997-ci ilin iyununda bu günü bayram elan etdi.

SpaceTV Azərbaycan xalqını 28 May - Respublika Günü münasibətilə təbrik edir!

                                Hörmətli baci və gardaşlarımız!

Sizi 28 May - Respublika Günü münasibətilə səmimi qəlbdən təbrik edirik, ən xoş arzularımızı bildiririk!!!

Azərbaycan Respublikasının Prezidenti İlham Əliyev ölkəmizdə işgüzar səfərdə olan Yunanıstanın Baş naziri Antonis Samarasla görüşüb. Görüşdə Azərbaycanla Yunanıstan arasında ikitərəfli münasibətlərin siyasi, iqtisadi, mədəni sahələrdə uğurla inkişaf etdiyi vurğulanıb, enerji sahəsində əməkdaşlığımızın bundan sonra da genişləndirilməsi üçün yaxşı perspektivlərin olduğu qeyd olunub, ikitərəfli münasibətlərimizin Azərbaycan Avropa İttifaqı əlaqələri baxımından önəmli olduğu bildirilib. Görüş zamanı qarşılıqlı maraq doğuran digər məsələlər ətrafında fikir mübadiləsi aparılıb.

Tələbə Qəbulu üzrə Dövlət Komissiyası ali məktəblərə qəbul imtahanlarına hazırlaşan abituriyentlərə müraciət edib. TQDK-nın mətbuat xidmətindən verilən xəbərə görə, 2013/2014-cü tədris ili üçün ali təhsil müəssisələrinə və tam orta təhsil bazasında orta ixtisas təhsili müəssisələrinə qəbul imtahanlarında iştirak etmək üçün internetlə ərizə qəbulu mayın 15-də başa çatır. Göstərilən vaxta qədər abituriyentin "Elektron ərizə"si doldurmalı və mayın 17-dək mütləq təsdiq olunmalıdır. Əks halda həmin abituriyentlər qəbul imtahanlarında iştirak edə bilməyəcəklər. Qeyd edək ki, bu gün saat 10:00-a olan məlumata əsasən 86 min 900 abituriyent internetlə "Elektron ərizə" doldurub, onlardan 78 min 616 nəfərinin ərizəsi müvafiq qaydada təsdiq olunub.

Azərbaycanda ümummilli lider Heydər Əliyevin anadan olmasının 90 illiyi qeyd olunur. Bu münasibətlə səhərdən etibarən onun Fəxri Xiyabandakı məzarını ziyarət başlayıb. Ziyarətçilər arasında rəsmi şəxslər, hökumət üzvləri, Azərbaycanda akkreditə olunmuş diplomatik korpusun nümayəndələri, sadə vətəndaşlar var. Prezident İlham Əliyev də ailə üzvləri ilə birlikdə H. Əliyevin məzarını ziyarət edib. Heydər Əliyevin 90 illik yubileyi ilə bağlı Bakı Şəhər İcra Hakimiyyətinin təşkilatçılığı ilə Azərbaycan paytaxtında Gül Bayramı keçirilir.

Bu gün Azərbaycanda 9 may - Qələbə Günü qeyd olunur. Faşizm üzərində qələbənin 68-ci ildönümü ilə bağlı ölkənin müxtəlif bölgələrində və paytaxtda tədbirlər keçirilir. Qeyd edək ki, bu müharibədə Azərbaycandan 660 min şəxs iştirak edib. Azərbaycan diviziyaları Qafqazdan Berlinə qədər mübarizə yolu keçiblər. Bu müharibədə 130-a yaxın azərbaycanlı Sovet İttifaqı Qəhrəmanı adına layiq görülüb, 30 nəfəri Şərəf ordeni ilə təltif olunub, 170 min soydaşımız SSRİ-nin müxtəlif orden və medalları ilə təltif ediliblər.

Azərbaycan Respublikasının Prezidenti İlham Əliyev Qobustan rayonuna səfər edib. Dövlətimizin başçısı əvvəlcə ulu öndər Heydər Əliyevin xatirəsini yad edərək Qobustan şəhərinin mərkəzində ucaldılan abidəsi önünə gül dəstəsi qoyub.

Azərbaycan Respublikasının Prezidenti İlham Əliyev Abşeron rayonunun Hökməli qəsəbəsində "AzFP CO LTD" MMC-nin tərkibində fəaliyyət göstərən birdəfəlik plastik qablar, priforminqlər, polistirol və polipropilen kisələr, süd məhsulları və dondurma istehsalı zavodlarının açılışında iştirak etdi. Müəssisələrdə 1500 nəfər işlə təmin olunacaqdır. Bu zavodların fəaliyyətə başlaması heyvandarlığın inkişafına müsbət təsir edəcəkdir. Dövlətimizin başçısı birdəfəlik plastik qablar, priforminqlər istehsalı zavodunu işə saldı. Zavodun istehsal prosesi ilə tanış oldu.İstehsal prosesi tam kompyuterləşdirilmişdir. Bütün proses vahid mərkəzdən idarə olunur. Dövlətimizin başçısı burada istehsal olunan hazır plastik qablara baxdı. Qeyd olundu ki, sifarişlərin qəbuluna da başlanılmışdır. Azərbaycan Respublikasının Prezidenti İlham Əliyev polistirol və polipropilen kisələr istehsalı zavodunun fəaliyyəti ilə tanış oldu. Sonra Azərbaycan Respublikasının Prezidenti İlham Əliyev süd məhsulları və dondurma istehsalı zavoduna gəldi. Azərbaycan Respublikasının Prezidenti südün emalı və qablaşdırılması prosesi ilə tanış oldu. Zavodda, həmçinin müxtəlif çeşidli meyvəli yoğurt, dondurma, qatıq, xama, ayran, süzmə və qaymaq istehsal olunur. Ölkəmiz üçün daha bir yenilik isə istehlakçılara az yağlılıqlı sağlam qida seçimi verən 1,5 faizlik "Milla" probiotik qatığıdır. Azərbaycan Respublikasının Prezidenti İlham Əliyev dondurmanın hazırlanması prosesinə də baxdı. Dövlətimizin başçısı süd və dondurma istehsalı zavodunda buraxılan məhsulların nümayiş etdirildiyi stendlə tanış oldu. Azərbaycan Respublikasının Prezidenti İlham Əliyev müəssisənin fəaliyyəti ilə bağlı tapşırıq və tövsiyələrini verdi.
Azərbaycan Respublikasının Prezidenti İlham Əliyev Qobustana səfəri çərçivəsində rayon mərkəzindəki parkda Bayraq Meydanında yaradılan şəraitlə tanış oldu. Qobustan rayonunun mərkəzində yaradılmış Bayraq Meydanı da sakinlərin ən çox üz tutduqları məkanlardan biridir. Məlumat verildi ki, iki hektar ərazini əhatə edən meydanda ucaldılmış bayraq dirəyinin hündürlüyü 50 metrdir. Bayrağın eni 10, uzunluğu 20 metrdir. Altı ay müddətində inşa olunmuş Bayraq Meydanında geniş abadlıq işləri aparılmışdır. Yaradılmış şəraiti yüksək qiymətləndirən dövlətimizin başçısı tapşırıq və tövsiyələrini verdi.
Azərbaycan Respublikasının Prezidenti İlham Əliyev Qobustan İdman Kompleksinin açılışında iştirak ettdi. Dövlətimizin başçısı kompleksin rəmzi açılışını bildirən qırmızı lenti kəsdi. Qeyd olundu ki, kompleksdə müxtəlif idman yarışlarının, təlim-məşq toplantılarının və digər tədbirlərin keçirilməsi üçün hər cür şərait vardır. Ümumi smeta dəyəri beş milyon manat olan kompleks Gənclər və İdman Nazirliyinin sifarişi əsasında inşa edilmişdir. Burada idmanın müxtəlif növləri ilə məşğul olmaq istəyən gənclərin məşqləri və yarışların keçirilməsi üçün hər cür şərait vardır. Kompleksdə, həmçinin 900 nəfərlik zal, müxtəlif iş və yardımçı otaqlar mövcuddur. Azərbaycan Respublikasının Prezidenti İlham Əliyev yeni idman qurğusunun futbol, basketbol, tennis meydançalarına baxdı. Qeyd edildi ki, burada yaradılan şərait müxtəlif yerli və beynəlxalq tədbirləri ən yüksək səviyyədə keçirməyə imkan verir. Kompleksin ərazisi başdan-başa yaşıllaşdırılmış, burada minə yaxın müxtəlif növ ağac əkilmişdir. Dövlətimizin başçısına Lənkəran və Tərtər Olimpiya-İdman komplekslərinin eskiz layihələri təqdim olundu. Sonra Azərbaycan Respublikasının Prezidenti İlham Əliyev Qobustan rayon ictimaiyyətinin nümayəndələri və idmançılarla görüşdü. Rayon sakini Babək Alıbabayev göstərdiyi yüksək diqqət və qayğıya görə qobustanlılar və idmançılar adından Azərbaycan Prezidentinə minnətdarlığını çatdırdı. Sonda xatirə şəkli çəkdirildi.

Azərbaycan Respublikasının Prezidenti İlham Əliyev İslam Əməkdaşlıq Təşkilatının Baş katibi Ekmələddin İhsanoğlunu qəbul edib. Ekmələddin İhsanoğlu Azərbaycanın təşkilatçılığı ilə İslam Əməkdaşlıq Təşkilatına üzv olan ölkələrin əmək nazirliklərinin yüksək səviyyəli rəsmilərinin iclasının Bakıda keçirilməsini əməkdaşlığımızın yaxşı nümunəsi kimi dəyərləndirib. Azərbaycanda gedən sürətli inkişaf proseslərinə toxunan dövlətimizin başçısı bu baxımdan son illərdə Bakıya və respublikanın digər regionlarına sərmayə qoyuluşunun artmasının önəmini qeyd edib. Görüşdə Azərbaycanla İslam Əməkdaşlıq Təşkilatı arasında əməkdaşlığın bütün istiqamətlərdə uğurlu inkişafından məmnunluq ifadə olunub, Azərbaycanın bu təşkilatın bütün strukturlarında fəal əməkdaşlıq etməsinin əhəmiyyəti qeyd edilib, bu əməkdaşlığın daha da genişləndirilməsi ilə bağlı məsələlər ətrafında fikir mübadiləsi aparılıb.

Azərbaycan Respublikasının Prezidenti İlham Əliyev Rumıniyanın Xarici İşlər naziri Titus Korlateanın başçılıq etdiyi nümayəndə heyətini də qəbul edib. Əməkdaşlığımızın daha da genişləndirilməsi üçün möhkəm hüquqi bazanın mövcud olduğunu qeyd edən dövlətimizin başçısı İlham Əliyev ölkələrimiz arasında strateji tərəfdaşlıq haqqında imzalanan sənədin önəmini xüsusi vurğulayıb. Rumıniyanın Xarici İşlər naziri Azərbaycana bu səfərinin ikitərəfli və regional əməkdaşlığın gələcək perspektivləri ilə bağlı məsələlərin müzakirəsi üçün yaxşı imkan yaradacağına əminliyini ifadə edib, ölkəsinin Azərbaycanla ikitərəfli əməkdaşlığı bütün sahələrdə daha da genişləndirməkdə maraqlı olduğunu deyib. Görüşdə Avropa İttifaqı çərçivəsində əməkdaşlıqla bağlı məsələlər ətrafında fikir mübadiləsi də aparılıb.

Nəqliyyat Nazirliyi ictimai nəqliyyatda - sərnişin avtobuslarında elektron ödəmə sisteminin tətbiqinə hazırlıqları başa çatdırır. Artıq may ayının sonundan etibarən nəqliyyatda ödəmə kartlarının satışına başlanacaq. Bu barədə nəqliyyat nazirinin müavini Musa Pənahov bildirib. Nazir müavininin sözlərinə görə, elektron ödəmələrlə bağlı proqram təminatı və onun prosessinq mərkəzləri ilə əlaqəsi sınaqdan keçirilib. Qeyd edək ki, avtobuslarda elektron ödəmələrə başlanması ölkə ərazisində mobil ödəmə qurğularının kütləvi tətbiqi ilə bağlı ilk təcrübə olacaq. Artıq kartların istifadəsi ilə bağlı qaydalar da tam hazırdır.

Amerikalı ailələrinin çoxu tədricən yoxsullaşır. Nyu Yorkdakı sosial araşdırma mərkəzinin tədqiqatları bunu deməyə əsas verir.

Mərkəzin məlumatına əsasən, ailələrin 93%-də aktivlərin dəyəri 2009-cu ilə nisbətən xeyli aşağı düşüb. Bunlara evdəki əmlak dəyəri, həmçinin bank hesabı da daxildir. Maraqlıdır ki, sözügedən dövr ABŞ-da rəsmi olaraq "Böyük durğunluq"dan sonrakı iqtisadiyyatın dirçəlməsi mərhələsi sayılır. Bu dövrdə ölkənin sadəcə 7% ən varlı ailələri daha da varlanıblar. Onların aktivləri eyni mərhələdə 28% artaraq 3 milyon 174 min dollara çatıb. 2009-cu ildə bu ailələr ölkədəki mülkiyyətin 56%-ə nəzarət edirdilərsə, indi bu rəqəm 63%-dir. Müvafiq olaraq ölkədə əmlak qeyri-bərabərliyi də güclənib. Varlı ailələr digər əhalidən indi 24 dəfə daha varlıdırlar.